ڈاکٹر عابد معز طبی معائنے امراض کی تشخیص اور علاج معالجہ کا حصہ ہوتے ہیں اور ہمیں کئی قسم کے معائنے کروانا پڑتا ہے۔ اس کتاب میں عام طبی معائنوں کے متعلق ضروری معلومات فراہم کی گئی ہیں۔ عام طور پر کئے جانے والے طبی معائنوں جیسے پیشاب، خون اور پاخانہ کے معائنے، ایکس رے، سی ٹی اسکان، الٹرا ساؤنڈ، ای سی جی، ای ای جی وغیرہ کے بارے میں بتایا گیا ہے کہ وہ کیسے انجام دیئے جاتے ہیں اور ان کے نتائج سے کیا توقع کی جاسکتی ہے۔ کتاب کے مطالعہ سے قارئین پر طبی معائنوں کی ضرورت اور اہمیت آشکار ہوتی ہے اور بجا طور توقع کی جاسکتی ہے کہ وہ معائج کے ہر اقدام کو سمجھتے ہوئے اپنے علاج میں تعاون کریں گے۔

ڈاکٹر عابد معز کولیسٹرال کا تعلق چونکہ دل کی صحت سے ہے اس کے بارے میں ہر اس شخص کو واقفیت ہونی چاہئے جس کے پاس ایک دھڑکتا دل ہے۔ ڈاکٹر عابد معز نے کولیسٹرال کے بارے میں تقریباً ہر ضروری تفصیل کو عام فہم انداز میں پیش کیا ہے۔ کولیسٹرال کی ضرورت اور اچھے اور بُرے کولیسٹرال کے بارے میں بیان کیا گیا ہے۔ کولیسٹرال کم کرنے کے تدابیر پر بھی گفتگو کی گئی ہے۔ دوسری کتابوں کی طرح اس کتاب میں بھی جگہ جگہ اشکال، جدول اور خاکوں کا استعمال کیا گیا ہے۔