حمید عادل
اس کتاب کے مطالعہ سے قاری کو اُس دور کی اہمیت کا بخوبی اندازہ ہوجاتا ہے اور وہ سوچنے پر مجبور ہوجاتا ہے کہ ہائے وہ ماضی کی محبت اور اپنائیت سے محروم ہوچکا ہے۔ اگر قاری اُس دور سے وابستہ ہے تو پھر اس کے ہونٹوں پر ہلکی سی مسکراہٹ کے ساتھ آنکھوں میں نمی بھی نمودار ہوگی، ہونٹوں پر مسکراہٹ اس لیے کہ وہ کچھ دیر کے لئے ماضی کے اس پیارے دور میں پہنچ جائے گا جو اسے گدگدائے گا اور آنکھوں میں نمی اس لئے کہ اب وہ دور نہیں رہا اور اگر کسی قاری کی اُس دور سے وابستگی نہ ہو تو پھر اس کے ہونٹوں سے ایک سرد آہ خارج ہوگی اور اس کی آنکھیں بھی بھیگ ہی جائیں گی کہ کاش! میں بھی اُس کا حصہ ہوتا۔ حمید عادل نے اس کتاب میں دلوں کو گدگدانے اور ضمیر کو جھنجوڑنے والی ایسی بے شمار باتوں کا ذکر کیا ہے جنھیں ہم فراموش کر بیٹھے ہیں